વરસાદથી પ્રભાવિત ખેડૂતો માટે રાજ્ય સરકારે ૬૩૦ કરોડનું પેકેજ જાહેર કર્યું

રાજ્યના આઠ લાખથી વધુ ખેડૂત ખાતેદારોને પેકેજ સહાયનો લાભ મળશે

અમદાવાદ, શનિવાર

મુખ્યપ્રધાન ભૂપેન્દ્ર પટેલે રાજ્યના આઠ લાખથી વધુ ખેડૂત ખાતેદારોને દિવાળીની ભેટ આપી છે. ખેડૂતો માટે સરકારે રૂ. ૬૩૦.૩૪ કરોડનું માતબર સહાય પેકેજ કર્યું છે. રાજ્યમાં ખરીફ ઋતુમાં ભારે વરસાદના કારણે ખેડૂતોના પાકને થયેલા નુકસાનમાં સહાયરૂપ થવાના અભિગમથી આ સહાય પેકેજ જાહેર ૨૦૨૨ની જાહેર કરવામાં આવ્યું છે. આ વર્ષે ભારે વરસાદના કારણે ૧૪ જિલ્લામાં ખેતરોમાં પાણી ભરાવાના કારણે ખેતી પાકોને વ્યાપક નુકસાન થયું હતું.