એટીએમમાં મદદ કરવાના બહાને ગઠિયાએ વૃદ્ધના ખાતામાંથી રૂ. ૬૯,૯૯૯ ઉપાડી લીધા

ગઠિયાએ એટીએમનો પન નંબર જાણી લઈ અન્ય વ્યક્તિનું ડેબિટકાર્ડ વૃદ્ધને આપી દીધું

અમદાવાદ, બુધવાર

શહેરના જુહાપુરા વિસ્તારમાં રહેતા એક નિવૃત્ત કર્મચારીનું ડેબિટકાર્ડ ગઠિયાએ નજર ચૂકવીને લઇ લીધા બાદ રૂપિયા ૬૯,૯૯૯ રૂપિયા ઉપાડી લીધા હોવાની ઘટના સામે આવી છે. વૃદ્ધને મદદ કરવાના બહાને ગઠિયો એટીએમમાં પહોંચ્યો હતો જ્યાં તેણે નજર ચૂકવીને કાર્ડ લઇ લીધું હતું. વૃદ્ધ પાસેથી એટીએમનો પિનનંબર લઇ લીધો હતો અને બાદમાં ટેકનિકલ ખામી હોવાથી રૂપિયા ઉપાડી શકાશે નહીં તેમ કહીને બીજાનું કાર્ડ આપી દીધું હતું.