પોલીસ ચોકીની પાછળ જ કફ સિરપનું ખુલ્લેઆમ વેચાણઃ આરોપીની ધરપકડ

SOGએ દીવાલના બાકોરામાં ડોકિયું કર્યું અને યુવકને ઝડપી લેવાનો પ્લાન બનાવી ઘેરી લીધો

અમદાવાદ, ગુરુવાર

ચૂંટણી પહેલાં દારૂ તેમજ ડ્રગ્સનો ધંધો કરતા લોકો પર પોલીસે લાલ આંખ કરતાં હવે નશેડીઓ કફ સિરપના રવાડે ચઢ્યા છે. બે દિવસ પહેલાં શાકભાજીની જેમ જાહેર રોડ પર કફ સિરપનો જથ્થો વેચતી એક યુવતી ઝડપાઈ હતી ત્યારે હવે ગઇ કાલે એસઓજીની ટીમે વટવામાંથી કફ સિ૨૫નો જથ્થો ઝડપી પાડીને એક યુવકની ધરપકડ કરી છે. વટવા પોલીસ સ્ટેશનની હદમાં આવતી સદ્ભાવના પોલીસ ચોકીની પાછળ યુવક કફ સિરપનો જથ્થો વેચતો હતો. એસઓજીની ટીમે દીવાલના બાકોરામાં ડોકિયું કર્યું અને યુવકને કેવી રીતે પકડવો તેનો પ્લાન બનાવી દીધો.