સમોસાંની લારી આવતાં પાડોશીઓ બાખડ્યાઃ દંપતીએ મારીને વૃદ્ધાના હાથે ફ્રેક્ચર કરી દીધું

‘તારા ઘરમાં સમાસાંની બૂમો પડાવ' તેમ કહેતાં મામલો બીચક્યોઃ અમરાઈવાડી પોલીસે બે મહિલા સહિત ત્રણ લોકો વિરુદ્ધ ફરિયાદ નોંધી

અમદાવાદ, મંગળવાર

શહેરના અમરાઇવાડી વિસ્તારમાં આવેલા શિવાનંદનગરમાં સમોસાંની લારી આવતાં પડોશીઓ વચ્ચે માથાકૂટ થઇ હોવાનો કિસ્સો સામે આવ્યો છે. મહિલા સમોસાં ખરીદતી હતી ત્યારે પડોશમાં રહેતાં પતિ પત્ની આવ્યાં હતાં અને જેમ ફાવે તેમ બોલવા લાગ્યાં હતાં. જોત જોતામાં મામલો એટલો ઉગ્ર બન્યો કે પતિ પત્ની સહિત ત્રણ જણાએ મહિલાની વૃદ્ધ સાસુ પર હુમલો કરીને તેમને ફ્રેક્ચર કરી દીધું હતું.