પાકિસ્તાન કનેક્શન: RAW અને NIA લોરેન્સ બિશ્નોઈની પૂછપરછ કરશે

૧૯૦ કરોડના ડ્રગ્સ કેસમાં લોરોન્સ બિશ્નોઇની ગુજરાત ATSની ટીમે ધરપકડ કરી હતી: ATS કચેરીમાં લોરેન્સ પાસેથી સેન્ટ્રલ એજન્સીઓ અનેક રહસ્યો ઓકાવશે

અમદાવાદ, સોમવાર

જાણીતા સિંગર સિદ્ગુ મુસેવાલા હત્યાકાંડનો મુખ્ય ષડયંત્રકાર બિશ્નોઇ ગુજરાત એટીએસની કસ્ટડીમાં છે. ત્યારે લોરેન્સ તેના પર વધુ કાયદાકીય સકંજો કસવા માટે નેશનલ ઇન્વેસ્ટિગેશન એજન્સી (એનઆઇએ) તેમજ રિચર્સ એન્ડ એનાલિસિસ વિંગ (રો) તેની પૂછપરછ કરશે. ૧૯૪ કરોડ રૂપિયાના ડ્રગ્સ મામલે લોરેન્સ બિશ્નોઇની એટીએસની ટીમે ટ્રાન્સફર વોરન્ટના આધારે ધરપકડ કરી છે. ધરપકડ બાદ બિશ્નોઇને કોર્ટમાં રજૂ કરવામાં આવ્યો હતો જ્યાં તે હાલ ૧૪ દિવસના રિમાન્ડ પર છે. લોરેન્સ બિશ્નોઇના પાકિસ્તાન કનેકશન મામલે રો તેમજ એનઆઇએ તેની કડક પૂછપરછ કરશે. ૧૯૪ કરોડના ડ્રગ્સ કેસમાં તેનો રોલ રિસિવર તરીકેનો છે.