ખતરનાક એમડી ડ્રગ્સનું ખુલ્લેઆમ વેચાણ કરતા પેડલર્સને SOGએ રંગેહાથ ઝડપી લીધો

નારોલ સર્કલ પર પેડલર્સ જાહેરમાં ડ્રગ્સનું વેચાણ કરી રહ્યો હતોઃ એસઓજીએ ૩.૩૮ લાખનું ડ્રગ્સ જપ્ત કર્યું

અમદાવાદ, શુક્રવાર 

શહેરમાં એમડી ડ્રગ્સનો કારોબાર કરીને યુવાઓને નશાની લતે ચઢાવનાર પેડલર્સને ક્રાઇમ બ્રાંચ તેમજ સ્પેશિયલ ઓપરેશન ગ્રૂપની ટીમ વીણી વીણીને જેલના હવાલે કરી રહી છે. યુવાઓ એમડી ડ્રગ્સના રવાડે ચઢીને તેમનું ભવિષ્ય બરબાદ ના કરે તે માટે પોલીસ ‘ઓપરેશન પેડલર્સ’ શરૂ કર્યું છે. પેડલર્સ પણ શહેરમાં ખતરનાક એમડી ડ્રગ્સ બિનધાસ્ત બનીને ખુલ્લેઆમ વેચી રહ્યા છે. ગઇ કાલે સ્પેશિયલ ઓપરેશન ગ્રૂપ (એસઓજી)ની ટીમે નારોલ સર્કલથી દાણીલીમડા જવાના રોડ પરથી એક પેડલર્સને ૩૩.૮૭૦ ગ્રામ એમડી ડ્રગ્સના જથ્થા સાથે ઝડપી પાડ્યો છે. પેડલર્સ જાહેરમાં એમડી ડ્રગ્સનું વેચાણ કરી રહ્યો હતો.