સપાટોઃ ઇન્કમટેક્સ વિભાગ રાજકોટના રાધિકા-શિલ્પા જ્વેલર્સ પર ત્રાટક્યો

રાજકોટમાં થોડા સમય પહેલા બિલ્ડર લોબીમાં ઇન્કમટેક્સ વિભાગના અધિકારીએ રેડ કરી હતી જ્યારે હવે જ્વેલર્સના ત્યાં રેડ કરીને તવાઇ બોલાવી

રાજકોટમાં લાંબા સમય બાદ ઇન્કમટેક્સ વિભાગે દરોડા પાડતાં સોના ચાંદીની દુકાન ધરાવતા વેપારીમાં ફફડાટ વ્યાપી ગયો છે. રાજકોટના જાણીતા રાધિકા જ્વેલર્સ અને શિલ્પા જ્વેલર્સને ત્યાં વહેલી પરોઢથી ઇન્કમટેક્સ વિભાગનું સર્ચ ઓપરેશન હાથ ધરવામાં આવ્યું છે. આધારભૂત સૂત્રોનાં જણાવ્યા અનુસાર દોઢ ડઝનથી વધુ સ્થળ પર ઇન્કમટેક્સ વિભાગે સર્ચ શરૂ કર્યું છે. વહેલી સવારના સાત વાગ્યાથી ઈન્કમટેક્સ વિભાગની વીસ અલગ અલગ ટીમે વિવિધ જગ્યાએ સર્ચ શરૂ કર્યું છે. જેમાં કરોડો રૂપિયાના વ્યવહારનો પર્દાફાશ થયો છે.