યુવકનો આખરી કોલઃ મને છેલ્લી વાર મળતું હોય તો કેનાલ પર આવી જાઓ

પેસેન્જર ભરવાના કારણે સંબંધીઓ સાથે થયેલી બબાલ બાદ રિક્ષાચાલક યુવકે આપઘાત કર્યો: નરોડા પોલીસ સ્ટેશનમાં સમાધાન બાદ સંબંધીઓએ યુવકને પરિવાર સામે તેને જાનથી મારી નાખવાની ધમકી આપી

અમદાવાદ, ગુરુવાર

તમારે મને છેલ્લી વાર મળવું હોય તો નર્મદા કેનાલ ઉપર આવી જાઓ આવા શબ્દો રિક્ષાચાલક યુવકના હતા. જેણે પોતાની બહેનને આખરી ફોન કરીને મોતને વહાલું કર્યું છે. યુવકને પેસેન્જ૨ ભરવા બાબતે તેના સંબંધી સાથે બબાલ થઇ હતી. જે મામલો પોલીસ સ્ટેશન સુધી પહોંચ્યો હતો. પોલીસ સ્ટેશનમાં સમધાન થઇ ગયા બાદ સંબંધીઓએ યુવકને પરિવાર સાથે ધમકી આપી કે જો તું રિક્ષા લઇને નાના ચિલોડા ખાતે આવીશ તો તને જાનથી મારી નાખીશું. પોલીસ સ્ટેશનની સામે સંબંધીઓએ આપેલી ધમકીના કારણે યુવકે કેનાલમાં ઝંપલાવીને આત્મહત્યા કરી લીધી છે. યુવકે પેસેન્જર ભરવા બાબતે સંબંધીની રિક્ષાનો કાચ તોડી નાખ્યો હતો. જે મામલો પોલીસ સ્ટેશન સુધી પહોચ્યો હતો.