ઉત્તરથી દક્ષિણ સુધીનાં રાજ્યમાં તાપમાનનો પારો ગગડ્યો

અનેક રાજ્ય પ્રતિકૂળ હવામાત, ધુમ્મસ, વરસાદ, પ્રદૂષણ અને હિમવર્ષા નો સામનો કરી રહ્યાં છે

દેશનાં અનેક રાજ્ય હાલમાં જુદા જુદાં હવામાન, ઠંડી, ધુમ્મસ, વરસાદ પ્રદૂષણ અને હિમવર્ષાનો સામનો કરી રહ્યાં છે. દેશભર માં ઠંડીનો પ્રકોપ વધી રહ્યો છે. તાપમાનમાં ઘટાડો થઈ રહ્યો છે. દિલ્હીમાં પ્રદૂષણની સાથે ઠંડી લોકોને પરેશાન કરી રહી છે. સાથે સાથે પંજાબ, હરિયાણા, ઉત્તર પ્રદેશ અને રાજસ્થાનમાં ધુમ્મસ અને ઠંડી છવાયાં છે તો બીજી તરફ દક્ષિણ ભારતનાં રાજ્યોમાં હજુ પણ વરસાદ ચાલુ છે.

આગાહી કરતી હવામાનની ખાનગી એજન્સી સ્કાયમેટ અનુસાર, આગામી ૨૪ કલાક કલાક દરમિયાન દક્ષિણ તામિલનાડુમાં કેટલાંક સ્થળોએ ભારે વરસાદ સાથે હળવાથી મધ્યમ વરસાદની સંભાવના છે. આંદામાનનિકોબાર ટાપુઓ, આંતરિક તામિલનાડુ, કેરળ અને લક્ષદ્વીપમાં હળવોથી મધ્યમ વરસાદ થઈ શકે છે. આ ઉપરાંત ઉત્તર ભારતનાં ગંગાનાં મેદાનોમાં ગાઢ ધુમ્મસ યથાવત રહી શકે છે.

સવાર-સાંજ ફૂંકાતા ઠંડા પવનો સાથે તાપમાનનો પારો પણ ગગડી રહ્યો છે. ઉત્તરથી દક્ષિણ તરફ દરરોજ તાપમાનનો વધુ ને વધુ પારો ગગડી રહ્યો છે પહાડી રાજ્યોમાં પણ લઘુતમ તાપમાનનો પારો ગગડ્યા બાદ હિમવર્ષા શરૂ થઈ ગઈ છે.