યમુના એક્સપ્રેસ-વે પર વોલ્વો બસ-ટ્રક વચ્ચે ટક્કર: પાંચનાં ઘટનાસ્થળે મોત

દોઢ ડઝન જેટલા લોકો અકસ્માતમાં ઘાયલ થયા

અલીગઢના ટપ્પલ પોલીસ સ્ટેશન વિસ્તારમાં યમુના એક્સપ્રેસ-વે પર ગઈ કાલે રાત્રે ટ્રક અને બસ વચ્ચે અથડામણ થઈ હતી. આ અકસ્માતમાં પાંચ લોકોનાં મોત થયાં છે, જ્યારે દોઢ ડઝન લોકો ઘાયલ થયા હોવાનું કહેવાય છે. યમુના એક્સપ્રેસ-વે પર ખાનગી બસ ટ્રક સાથે અથડાઈ હતી. ખાનગી બસ દિલ્હીથી આઝમગઢ જઈ રહી હતી. ઘટનાની માહિતી મળતાં સ્થાનિક પોલીસ ઘટના સ્થળે પહોંચી ગઈ હતી. પોલીસ એમ્બ્યુલન્સની મદદથી તમામ ઘાયલોને જેવરની કૈલાસ હોસ્પિટલમાં લઈ ગઈ હતી. જ્યાં તમામની સારવાર ચાલી રહી છે.