બોગસની બોલબાલા: IRCTCના એજન્ટ બની નકલી ઈ-ટિકિટ બનાવવાનું કૌભાંડ

ગઠિયો રેલવે સ્ટેશનમાં કૌભાંડ આચરતો હતોઃ સંખ્યાબંધ મુસાફરતે ટિકિટ બતાવી આપી હોવાની શંકાઃ પોલીસે તપાસનો ધમધમાટ શરૂ કર્યો

કાલુપુર રેલવે સ્ટેશન પર મુસાફરને બોગસ ઇ-ટિકિટ બનાવીને ચીટિંગ કરતા શખ્સનો પર્દાફાશ થયો છે. ગઠિયો પોતે ઇન્ડિયન રેલવે કેટરિંગ એન્ડ ટૂરિઝમ કોર્પોરેશન એજન્ટ હોવાનું કહીને રેલવે સ્ટેશન પર રિઝર્વેશનની લાઇનમાં ઊભેલા મુસાફરનો સંપર્ક કરતો હતો અને તેને સ્પેશિયલ કોટામાંથી ટિકિટ કરાવી આપીશ તેમ કહીને ચીટિંગ આચરતો હતો. ગાંધીધામમાં અભ્યાસ કરતા એક વિદ્યાર્થીને આસામ જવાનું હોવાથી તે રિઝર્વેશન કાઉન્ટર ૫૨ ઊભો હતો, ત્યારે આ એજન્ટે તેનો સંપર્ક કર્યો હતો. યુવકને ઇ-ટિકિટ આપી દીધા બાદ તેને શંકા જતાં રેલવે પ્રોટેક્શન ફોર્સ (આરપીએફ)નો સંપર્ક કર્યો હતો. જેમાં સમગ્ર મામલો સામે આવ્યો હતો.

(આઈઆરસીટીસી)નો ગાંધીધામ ખાતે આવેલા લીલાશા સર્કલ પાસે રહેતા રંગાજી રામરાવ નાયડુએ કાલુપુર રેલવે પોલીસ સ્ટેશનમાં ઉપેન્દ્ર ત્રિવેદી (રહે. રેવા મધ્ય પ્રદેશ) વિરુદ્ધ ચીટિંગની ફરિયાદ કરી છે. રંગાજી મૂળ આંધ્રપ્રદેશના પલકોલ્લુ મંડલમ્ જિલ્લાનો રહેવાસી છે અને છેલ્લા ઘણા સમયથી ગાંધીધામમાં રહીને અભ્યાસ કરે છે. તારીખ ૭ ડિસેમ્બરના રોજ રંગાજી અમદાવાદ આવ્યો હતો અને તેને કાલુપુર રેલવે સ્ટેશનથી આસામના ગુવાહાટી ખાતે જવાનું હતું.