ભાગો, નહીં તો ભગા દેંગે

બાંગ્લાદેશીઓનો વિરોધ કરવા પોળમાં બજરંગદળના કાર્યકર્તાનો હલ્લાબોલ

બાંગ્લાદેશમાં હિન્દુઓ પર થઈ રહેલા અત્યાચારના પડઘા અમદાવાદમાં પડ્યાઃ બાંગ્લાદેશી કારીગરોને અમદાવાદ છોડી જતા રહેવાની ચીમકી

‘જેહાદી બાંગ્લાદેશી ભારત છોડો, ભાગો નહીં તો ભગા દેંગે' આ પોસ્ટર સાથે ગઇ કાલે બજરંગદળના કાર્યકર્તાઓએ માણેકચોક, હાથીખાના, મરચીપોળ, સહજાનંદ માર્કેટ, દોશીવાડાની પોળમાં જઇને હલ્લાબોલ કરતાં મામલો છેક ગાંધીનગર સુધી પહોંચ્યો છે. શહેરમાં સોના-ચાંદીના દાગીના બનાવતા બંગાળી કારીગરો સંખ્યાબંધ છે, જેમાં કેટલાક લોકો બાંગ્લાદેશી પણ છે તેમને ભારત છોડીને જતા રહેવાની ચીમકી બજરંગદળના કાર્યકર્તાઓએ આપી છે. છેલ્લા ઘણા દિવસથી શહેરમાં કોલ્ડવોર ચાલી રહ્યું છે, જેના કારણે ઇન્ટેલિજન્સ બ્યૂરો પણ એક્ટિવ થઇ ગઇ છે.