વિદેશી પતંગબાજોનાં અદ્ભૂત કરતબ નિહાળવાં હોય તો કાલે સાબરમતી રિવરફ્રન્ટ પહોંચી જજો

મુખ્યપ્રધાન ભૂપેન્દ્ર પટેલ આંતરરાષ્ટ્રીય પતંગ મહોત્સવનો પ્રારંભ કરાવશે

દર વર્ષની જેમ આ વર્ષે પણ આવતી કાલથી આંતરરાષ્ટ્રીય પતંગ મહોત્સવની શરૂઆત થવા જઈ રહી છે. આવતી કાલે વલ્લભસદન રિવરફ્રન્ટ ખાતે સવારે નવ વાગ્યે મુખ્યપ્રધાન ભૂપેન્દ્ર પટેલ અને પ્રવાસનપ્રધાન મૂળૂભાઇ બેરાના હસ્તે આંતરરાષ્ટ્રીય પતંગ મહોત્સવ -૨૦૨૫નો પ્રારંભ કરવામાં આવશે. અમદાવાદમાં સાબરમતી રિવરફ્રન્ટ પર આંતરરાષ્ટ્રીયપતંગ મહોત્સવની રંગેચંગે ઊજવણી થશે. જેમાં દેશ-વિદેશથી આંતરરાષ્ટ્રીય પતંગબાજો આવીને અહીં પતંગ ઉડાવતા જોવા મળશે.