વેજલપુર પોલીસે કિન્નરોતી ફરિયાદ નહીં લેતાં તોફાન મચાવ્યું અને પથ્થરમારો કર્યો

કિન્નરોએ પોલીસ પર ફરિયાદ નોંધવા માટે દબાણ કર્યુ એક કિન્નરે પેટ્રોલ છાંટીને આપઘાત કરવાની ચીમકી આપી

છેડતી-લૂંટ સહિતની ખોટી ફરિયાદ કરવા માટે આવેલા કિન્નરોના ઝૂંડે પોલીસ સ્ટેશન માથે લેતાં ચકચાર મચી ગઈ છે. વેજલપુર પોલીસ સ્ટેશનમાં પોલીસે કિન્નરોની ફરિયાદ નહીં લેતાં મામલો બીચક્યો છે. કિન્નરોએ પોલીસ સ્ટેશનમાં તોફાન મચાવીને પથ્થરમારો કર્યો હતો, જેમાં સરકારી પ્રોપર્ટીને નુકસાન થયું હતું. એક મહિલાની છેડતી થઈ હોવાની ફરિયાદ લઈને કિન્નરો વેજલપુર પોલીસ સ્ટેશનમાં પહોંચ્યા હતા.

કિન્નરોની રજૂઆતમાં પોલીસને કોઈ તથ્ય નહીં લાગતાં અંતે ફરિયાદ લેવાનો ઇનકાર કરી દીધો હતો. ફરિયાદ નહીં લેતાં પોલીસ સ્ટેશનમાં કિન્નરોએ ધમાલ મચાવી દીધી હતી. પોલીસ કોન્સ્ટેબલ વિક્રમસિંહે વેજલપુર પોલીસ સ્ટેશનમાં સોનમ દે મેમણ, કામિની દે, સિલ્ક દે, હિના દે, નગમાબાનુ વિરુદ્ધ સરકારી મિલકતને નુકસાન પહોંચાડીને આતંક મચાવવાની ફરિયાદ કરી છે. ગઈ કાલે બપોરે કેટલાક કિન્નરો એક મહિલા ને લઈ વેજલપુર પોલીસ સ્ટેશન આવ્યા હતા.