છત્તીસગઢના પૂર્વ CM ભૂપેશ બઘેલના ઘેર CBIના દરોડા: કોંગ્રેસના ધારાસભ્ય-પાંચ IPS પણ ઝપટમાં

ચકચારી મહાદેવ બેટિંગ એપ કેસમાં ED બાદ હવે સીબીઆઈની પણ ધમાકેદાર એન્ટ્રી

છત્તીસગઢના પૂર્વ મુખ્યપ્રધાન અને કોંગ્રેસના દિગ્ગજ નેતા ભૂપેશ બઘેલના નિવાસસ્થાન પર આજે વહેલી સવારે કેન્દ્રીય તપાસ એજન્સી સેન્ટ્રલ બ્યૂરો ઓફ ઇન્વેસ્ટિગેશન (સીબીઆઇ)ની ટીમોએ ત્રાટકીને દરોડાની કાર્યવાહી શરૂ કરતાં દેશભરમાં ખળભળાટ મચી ગયો અને છે. છત્તીસગઢની રાજધાની રાયપુર ભિલાઈમાં સીબીઆઇની ટીમોએ રેડ પાડી છે. તપાસ એજન્સીએ પૂર્વ સીએમ ભૂપેશ બઘેલના નિવાસસ્થાન ઉપરાંત ભિલાઈના કોંગ્રેસી ધારાસભ્ય દેવેન્દ્ર યાદવ, પાંચ આઇપીએસ અધિકારીઓ અભિષેક પલ્લવ, સંજય ધ્રુવ, આરિફ શેખ, આનંદ છાબરા અને પ્રશાંત અગ્રવાલ ઉપરાંત બે કોન્સ્ટેબલ નકુલ અને સહદેવના ઘરે પણ દરોડા પાડ્યા છે.