பெண் பாலியல் வன்கொடுமை: சுட்டுப் பிடித்து இளையர் கைது

சிவகங்கை மாவட்டம் மானாமதுரை பகுதியைச் சேர்ந்த 33 வயது இளம்பெண் கணவருடன் ஏற்பட்ட கருத்து வேறுபாடு காரணமாக அவரைப் பிரிந்து புளியங்குளம் பகுதியில் தனியாக வீடு எடுத்து வசித்து வந்தார்.

அப்போது அந்தப் பெண்ணுக்கும், அதே பகுதியைச் சேர்ந்த ஒரு வாலிபருக்கும் இடையே பழக்கம் ஏற்பட்டதாகத் தெரிகிறது. இருவரும் அடிக்கடி தனிமையில் சந்தித்துப் பேசி வந்து உள்ளனர்.

புதன்கிழமை (செப்டம்பர் 18) இரவும் அந்தப் பெண்ணும், வாலிபரும் மானாமதுரை நகரில் இருந்து சில கிலோ மீட்டர் தொலைவில் உள்ள முந்திரிகாட்டில் சந்தித்துப் பேசிக் கொண்டிருந்தனர். அப்போது அங்கு மது போதையில் வந்த ஒரு கும்பல் 2 பேரிடமும் தகராறில் ஈடுபட்டனர். தொடர்ந்து அந்த வாலிபரை சரமாரியாகத் தாக்கினர். இதனால் அந்தப் பெண்ணை அங்கேயே விட்டு விட்டு வாலிபர் ஓடி விட்டார்.