ஹமாஸ் தலைவர் கொல்லப்பட்டார்; ‘முடிவின் தொடக்கம்' என்கிறார் இஸ்ரேலில் பிரதமர் நெட்டன்யாகு

காஸா போர் முடியும் வரை 2023ஆம் ஆண்டு அக்டோபர் மாதம் 7ஆம் தேதி பிடிபட்ட பிணைக்கைதிகள் விடுவிக்கப்பட மாட்டார்கள் என்று அக்டோபர் 18ஆம் தேதியன்று ஹமாஸ் அமைப்பு திட்டவட்டமாகத் தெரிவித்துள்ளது.

அக்டோபர் 16ஆம் தேதியன்று ஹமாஸ் தலைவர் யாஹ்யா சின்வரை இஸ்‌ரேலிய ராணுவம் கொன்றது.

இதையடுத்து, ஹமாஸ் துக்கம் அனுசரித்து வருகிறது.

யாஹ்யா சின்வர் கொல்லப்பட்டதை அடுத்து, போர் முடிவுக்கு வரும் என்று எதிர்பார்க்கப்பட்டது.

ஹமாஸ் பிடித்து வைத்திருக்கும் இஸ்‌ரேலியப் பிணைக்கைதிகளுக்கும் காஸாவில் கடும் துயருக்கு ஆளாகியிருக்கும் பாலஸ்தீனர்களுக்கும் விடிவுகாலம் பிறக்கும் என்று நம்பப்பட்டது.

ஆனால், காஸாவில் உள்ள பாலஸ்தீனர்கள் மீது இஸ்‌ரேல் நடத்தும் தாக்குதல்கள் நிறுத்தப்படும் வரை பிணைக்கைதிகளை விடுவிக்கப்போதவில்லை என்று கத்தாரை மையமாகக் கொண்ட ஹமாஸ் அதிகாரி கலில் அல் ஹய்யா காணொளி மூலம் தெரிவித்தார்.