கற்றல் - வாழ்நாளுக்கும் தொடரும் ஒரு முதலீடு

வகுப்பறையில் அதிக கவனம் செலுத்த இயலாத மாணவர் ஒருவருக்கு கற்றலில் சிரமங்கள் இருப்பதைக் கண்டறிந்த ஆசிரியர் பிரகாஷ் திவாகரன், 36, அவருக்கு உதவ பல்வேறு முயற்சிகளை மேற்கொண்டார்.

- கீர்த்திகா ரவீந்திரன்

தொழில்நுட்பக் கல்விக் கழக கிழக்குக் கல்லூரியில் முழுநேர மின்னணுப் பொறியியல் (electronics engineering) ஆசிரியராகப் பணிபுரியும் பிரகாஷ், தமது வேலை நேரத்தையும் தாண்டி அந்த மாணவருக்கு கூடுதல் நேரம் வகுப்பு எடுத்தார், பயிற்சி அளித்தார். அது மட்டுமின்றி, மாணவரின் தந்தையுடன் தொடர்ந்து தொடர்பிலிருந்து, அவருடைய நலத்தில் அக்கறை காட்டினார். 

“செய்ய வேண்டிய பள்ளிப் பாடங்களை சிறுசிறு பிரிவுகளாக்கியதால், அவருக்குப் புரியும்படி பாடங்கள் அமைந்தன,” என்றார் பிரகாஷ். 

இப்படி, ஓர் ஆசிரியராக மட்டுமின்றி, மாணவர்கள் பலருக்கும் ஒரு நல்வழிகாட்டியாகத் திகழ்ந்து வருகிறார் திரு பிரகாஷ்.