தமிழர் நிலம் திருப்பித் தரப்படும்: இலங்கை அதிபர்

இலங்கை அரசாங்கம் ஆக்கிரமத்திருக்கும் அந்நாட்டுத் தமிழர்களின் நிலங்கள் அவர்களிடம் திருப்பித் தரப்படும் என்று இலங்கை அதிபர் அனுர குமார திசாநாயக்க உறுதியளித்துள்ளார்.

‘நியூ இந்தியன் எக்ஸ்பிரஸ்’ போன்ற ஊடகங்கள் அத்தகவலை வெளியிட்டன. அதேவேளை, இலங்கைக்குக் சொந்தமான நீர்ப்பகுதிகளில் தமிழ்நாட்டு மீனவர்கள் ‘சட்டவிரோதமாக’ மீன்பிடிப்பது தடுக்கப்படும் என்றும் அவர் எடுத்துரைத்தார்.

புதிய இலங்கை அதிபராகப் பொறுப்பேற்றிருக்கும் திரு திசாநாயக்க யாழ்ப்பாணத்தில் பொதுமக்களைச் சந்தித்தபோது அவ்வாறு கூறினார். கடந்த செப்டம்பர் மாதம் அதிபராகப் பொறுப்பேற்ற பிறகு அவர் முதன்முறையாக யாழ்ப்பாணத்தில் பொதுமக்களைச் சந்தித்தார்.