மனிதவளத் துறையில் ‘ஏஐ’ பயன்பாடு கண்காணிக்கப்படும்

மனிதவளப் பிரிவில் செயற்கை நுண்ணறிவைப் (ஏஐ) பயன்படுத்தும் நிறுவனங்களின் ஊழியர்கள் பாகுபாடு காட்டப்படுவதாக அரசாங்கத்திடம் எந்த ஒரு புகாரும் அளிக்கப்படவில்லை என்று தெரிவிக்கப்பட்டு உள்ளது.

இருப்பினும், ஊழியரணியைப் பாதுகாக்கப் போதுமான விதிமுறைகளும் வழிமுறைகளும் நடப்பில் உள்ளதை உறுதிசெய்ய அரசாங்கம் தொடர்ந்து கண்காணிப்பில் ஈடுபடும் என்று மனிதவள அமைச்சர் டான் சீ லெங் நாடாளுமன்றத்தில் கூறினார்.

"வேலை நடைமுறைகள், ஊழியர்கள், வேலை விண்ணப்பங்கள் ஆகியவற்றில் ஒருசில செயற்கை நுண்ணறிவுத் தொழில்நுட்பப் பயன்பாட்டின் மூலம் பாரபட்சம் காட்டப்படுவதாகத் தெரியவந்தால், அது பற்றி நியாயமான, முன்னேற்ற வேலை நடைமுறைகளுக்கான முத்தரப்புக் கூட்டணியிடம் (TAFEP) முறையிடலாம்.