சிரமங்கள் கடந்து சிறந்து விளங்கும் மாணவர் ஜோஹன்

கற்றலில் சிரமங்கள் இருந்தாலும் தனது அயராத உழைப்பாலும் பெறும் ஆசிரி யரின் உதவியோடும் நல்ல மதிப்பெண்களுடன் தொடக்கப்பள்ளி இறுதியாண்டில் தேர்ச்சி பெற்றுள்ளார் மாணவர் ஜோஹன் சிங்.

- லாவண்யா வீரராகவன்

உட்குரோவ் தொடக்கப்பள்ளியில் பயின்ற மாணவர் ஜோஹன், இறுதியாண்டுத் தேர்வை நினைத்து பயத்துடன் இருந்ததாகச் சொன்னார். இருப்பினும், "மன அமைதியுடன், பொறுமையுடனும் படிப்பவை அனைத்தும் என் மனதில் ஆழப் பதியும் வரை மீண்டும் மீண்டும் படித்தேன்," என்றார்.

படித்தவற்றை நினைவில் வைத்துக்கொள்வது சிரமமாக இருந்தாலும், கல்வித் திறனை மேம்படுத்துவதில் கவனம் செலுத்தி உறுதியுடன் பயிற்சி மேற்கொண்டார் ஜோஹன்.

தனக்கு அறிவியல் விருப்பப் பாடம் என்று சொன்ன இவர், எல்லாப் பாடங்களையும் விட கணிதம் கற்பதில் அதிக சிரமம் இருந்ததாகச் சொன்னார். அதற்கு சற்று அதிக நேரம் எடுத்துக்கொண்டு கவனத்துடன் கற்க வேண்டியிருந்ததையும் சுட்டிக்காட்டினார்.