'நீண்டகால சவால்களை எதிர்கொள்ள ஒற்றுமை அவசியம்’

செயற்கை நுண்ணறிவின் ஆதிக்கம், பருவநிலை மாற்றம், அதன் தாக்கம், விரைவாக மூப்படைந்து வரும் சமூகத்தில் நம்பிக்கை உருவாக்கம் உள்ளிட்ட உலகின் நீண்டகால சவால்கள் குறித்து புதன்கிழமை (நவம்பர் 27) ஜே.ஒய். பிள்ளை விரிவுரையில் அதிபர் தர்மன் சண்முகரத்னம் தெரிவித்துள்ளார்.

- லாவண்யா வீரராகவன்

அவற்றில் முதல் இரண்டு சவால்கள் முற்றிலுமாகக் கணிக்க முடியாதவை. கணிக்கக்கூடிய சவாலான, மூப்படையும் சமூகத்தில் நம்பிக்கை உருவாக்குவதற்கு முன்னரே தயாராகியிருக்க வேண்டும் என்ற அவர், அச்சவால்களை எதிர்கொள்ளும் வழிமுறைகளையும் குறிப்பிட்டார்.

சவால் எதுவாயினும் அவற்றைச் சந்தித்து, முன்னோக்கிச் செல்ல ஒற்றுமை உணர்வு அவசியம் எனவும் வலியுறுத்தியுள்ளார்.

சிங்கப்பூர்ச் சமூக அறிவியல் பல்கலைக்கழகத்தில் ஜே.ஒய். பிள்ளை விரிவுரைத் தொடரைத் தொடங்கி வைத்து (Inaugural JY Pillay Public Lecture Series on Governance) முதல் விரிவுரையை ஆற்றினார் அதிபர் தர்மன்.