விறுவிறுப்பான இறுதிக்கட்டத்தில் உலக சதுரங்க வெற்றியாளர் போட்டி

வெள்ளைக் காய்களை வெறுக்கின்ற நகர்த்தி ஆரவாரம் எழுப்பிய அடுத்த நாள், திங்கட்கிழமை (டிசம்பர் 9) உலகச் சதுரங்க வெற்றியாளர் போட்டியின் பன்னிரண்டாம் விளையாட்டில் தோல்வியைத் தழுவினார் இளம் இந்தியச் சதுரங்க கிராண்ட்மாஸ்டர் குகேஷ் தொம்மராஜு, 18.

- ஆ. விஷ்ணு வர்தினி

சீனாவைச் சேர்ந்த கிராண்ட் மாஸ்டரும் கடந்த ஆண்டின் உலகச் சதுரங்க வெற்றியாளருமான 32 வயது டிங் லிரனுக்கும் அவருக்கும் இடையே நவம்பர் 26ஆம் தேதி முதல் தொடர்ந்துள்ள சதுரங்க மோதலின் புள்ளி நிலவரம் தற்போது 6-6 எனும் கணக்கில் உள்ளது.

அண்மைய காலத்தில் நிகழ்ந்த தமது மிகச் சிறந்த ஆட்டமாக திங்கட்கிழமை நடந்த விளையாட்டு விளங்குவதாக செய்தியாளர் கூட்டத்தில் பதிவு செய்தார், ஞாயிற்றுக்கிழமை கடைசிக் கட்டத்தில் செய்த பிசகான நகர்த்தலில் குதிரைக் காயை இழந்து தோல்வியுற்ற டிங்.