கள்ளப்பண மோசடி தொடர்பில் சிங்கப்பூர் நிரந்தரவாசியிடம் விசாரணை நடத்த போதிய ஆதாரம் இல்லை: காவல்துறை

கள்ளப்பண மோசடி விவகாரத்தில் தொடர்புடையவர் எனச் சீனக் காவல்துறையினரால் தேடப்படும் சிங்கப்பூர் நிரந்தர வாசியான யான் ஜென்சிங்யிடம் விசாரணை நடத்த போதிய ஆதாரங்கள் இல்லை எனச் சிங்கப்பூர் காவல்துறை வியாழக்கிழமை (டிசம்பர் 12) தெரிவித்தது.

சீன நாட்டவரான யான், தனது குடும்பத்தினருடன் விடுமுறைக் காலத்தைச் செலவிடுவதற்காக பாத்தாம் தீவிற்குச் சென்றார்.

அங்கு இந்தோனீசிய அதிகாரிகளால் டிசம்பர் 2ஆம் தேதி அவர் தடுத்து வைக்கப்பட்டார்.

“சிங்கப்பூர் சட்டங்களின்படி யான் பணமோசடியில் ஈடுபட்டிருக்கலாம் என்பதை நிரூபிக்க எங்களிடம் போதுமான ஆதாரம் இல்லை. இதனால், இந்த மோசடி குறித்து எங்களால் அவரிடம் அதிகாரத்துவ விசாரணையை மேற்கொள்ள முடியாது,” எனச் சிங்கப்பூர் காவல்துறை கூறியது.