தென்கொரிய முன்னாள் தற்காப்பு அமைச்சரிடமிருந்து 'ரகசியக் கைப்பேசி' பறிமுதல்

தென்கொரிய காவல்துறை விசாரணையாளர்கள், முன்னாள் தற்காப்பு அமைச்சர் கிம் யங்-ஹியூனிடமிருந்து கைப்பேசியைப் பறிமுதல் செய்துள்ளனர்.

அதிபர் யூன் சுக் இயோல் அறிவித்த குறுகியகால ராணுவச் சட்டத்திற்கு அவர்தான் காரணம் எனச் சந்தேகிக்கப்படுகிறது.

அந்தக் கைபேசி, ‘ரகசிய கைபேசி’ என ஊடகங்களால் அழைக்கப்படுகிறது.

அதில் விசாரணைக்குத் தேவையான முக்கிய தரவுகள் அடங்கியிருக்கும் என்று எதிர்பார்க்கப்படுகிறது. ராணுவச் சட்டம் அமலாக்குவது குறித்து அவர், அதிபர் யூனுடன் கலந்துரையாடிய தகவலும் அதில் அடங்கியிருக்கலாம் எனச் சொல்லப்படுகிறது.