ஜெர்மனியில் நடந்த தாக்குதலில் சிங்கப்பூரர்களுக்கு பாதிப்பில்லை

ஜெர்மனியின் கிறிஸ்துமஸ் சந்தையில் வெள்ளிக்கிழமை (டிசம்பர் 20) நடத்தப்பட்ட தாக்குதலுக்கு சிங்கப்பூர் தெரிவித்துள்ளது.

கண்டனம் தலைநகர் பெர்லினுக்கு தென்மேற்கில் 130 கி.மீ. தூரத்தில் உள்ள மாக்டெபர்க் நகரில் நடத்தப்பட்ட அந்தத் தாக்குதலில் ஐந்து பேர் கொல்லப்பட்டனர்; 200க்கும் மேற்பட்டோர் காயமடைந்தனர். சாக்சோனிஅன்ஹால்ட் மாநிலத் தலைநகரம் அது.

உயிரிழந்தவர்களில் ஒன்பது வயதுச் சிறுமியும் அடங்குவார்.

மேலும், காயமடைந்தவர்களில் 41 பேர் உயிருக்கு ஆபத்தான நிலையில் உள்ளனர்.

கிறிஸ்துமஸ் சந்தையில் கூடியிருந்த மக்கள் கூட்டத்தில் பிஎம்டபிள்யூ கார் ஒன்று நுழைந்து, 400 மீட்டர் தூரத்திற்கு மக்கள் மீது மோதியவாறு சென்றது. அந்தத் தாக்குதல் ஏறத்தாழ மூன்று நிமிடங்கள் நீடித்தது.

அப்பாவி மக்கள் மீது நடத்தப்பட்ட அந்தக் கொடூரத் தாக்குதலை நியாயப்படுத்த முடியாது என ஞாயிற்றுக்கிழமை (டிசம்பர் 22) சிங்கப்பூரின் வெளியுறவு அமைச்சு கூறியது.

“அந்தச் சம்பவத்தில் இறந்தவர்களையும் அவர்களின் குடும்பத்தையும் சிங்கப்பூர் நினைவில் வைத்திருக்கும். காயமடைந்தவர்கள் விரைவில் குணமடைய விரும்புகிறோம்.