RTEમાં વિદ્યાર્થીઓની વિગત અપડેટ કરનાર સ્કૂલને જ બીજા સત્રની ફી મળશે

ઘણાની બેંક વિગત રિજેક્ટ થવાના લીધે સહાય મળી ન હોવાનું સામે આવ્યું

RTEના વિદ્યાર્થીઓના મળવાપાત્ર સહાય બેંકની વિગતોના લીધે રિજેક્ટ થઈ હોવાનું સામે આવતા સ્કૂલોને વિગતો અપડેટ કરવા માટે સુચના અપાઈ છે. આ વિગતો અપડેટ કરવામાં આવ્યા બાદ જ સ્કૂલોને મળવા પાત્ર બીજા સત્રની ફીની રકમ જમા કરવામાં આવશે તેમ જણાવાયું છે. ઉપરાંત ઓછી હાજરીના લીધે જે વિદ્યાર્થીઓને સહાય મળી નથી તે વિદ્યાર્થીઓને સ્કૂલોએ સહાય ન મળી હોવાની જાણ કરવાની રહેશે. 15 હજાર જેટલા વિદ્યાર્થીઓની હાજરી ઓછી હોવાના લીધે તેમને સહાયની રકમ મળી ન હોવાનું જાણવા મળે છે.