બોરસદના ઝારોલામાં ટ્રિપલ અકસ્માતમાં ત્રણનાં મોત

કાર, બાઈક અને ટ્રક વચ્ચે અકસ્માત, કારમાં સવાર 3નાં ઘટના સ્થળે મોત

આણંદ જિલ્લાના બોરસદ તાલુકાના ઝારોલા ગામના બસ સ્ટેન્ડ નજીક રવિવારે રાત્રિના આરસામાં બાઈક કાર અને ટ્રક વચ્ચે સર્જાયેલા ગમખ્વાર ત્રીપલ અકસ્માતમાં પુરઝડપે જઈ રહેલી કાર આગળ જતા બાઈક સાથે અથડાયા બાદ સામેથી આવતી ટ્રકમાં ઘૂસી ગઈ હતી. અને આ ગમખ્વાર અકસ્માતમાં કારમાં સવાર બોરસદના જંત્રાલ ગામના ત્રણ યુવકોના સ્થળ પર જ કરૂણ મોત નિપજ્યા હતા. જ્યારે બાઈક સવાર પિતા, પુત્ર અને મામાને ઈજાઓ થયાની ફરિયાદ ભાદરણ પોલીસ મથકમાં નોંધાઈ છે.