વર્તમાન ભાજપ સરકારની અનેક બનાવોમાં હાઇકોર્ટ દ્વારા સૌથી વધુ આકરી ઝાટકણી

ભાજપ શાસિત મહાનગરપાલિકાથી લઇ સરકારની વખતો વખત આકરી ટીકાથી સમગ્ર તંત્રની ક્ષમતા પર સવાલ

છેલ્લા બે દાયકામાં ભાજપની આ સરકારનું વહીવટી તંત્ર એવું હશે જેની ગુજરાત હાઇકોર્ટ દ્વારા વખતોવખત સૌથી ખરાબ રીતે ઝાટકણી કાઢવામાં આવી હોય છતાં તંત્ર સુધરવાનું નામ લેતું ન હોય. તાજેતરમાં રાજકોટ અગ્નિકાંડમાં હાઇકોર્ટે હવે અમને સરકારી તંત્ર ઉપર સ્હેજ પણ ભરોસો રહ્યો નથી તેવી સખત ટિપ્પણી પણ કરી છે. મોરબી ઝુલતા પુલ દુર્ઘટના, વડોદરા હરણી બોટકાંડ અને હવે રાજકોટ ગેમ ઝોનની વિભિષીકાના કારણે ભાજપ સરકારના મોવડીઓની કામગીરી કરવાની સમજણ, ક્ષમતા અને કૌશલ્ય ઉપર પણ સવાલ ઉઠવાના શરૂ થયા છે.