રાજકોટ અગ્નિકાંડઃ પૂર્વ મેયર, પૂર્વ સ્ટે. ચેરમેન સહિત અનેકની મિલકતોની ACB તપાસ કરશે

એસીબીએ સબ રજિસ્ટ્રાર પાસે નેતાઓની મિલકતોની વિગતો મગાવી

રાજકોટના ટીઆરપી ગેમઝોન અગ્નિકાંડમાં એક પછી એક મોટા ખુલાસા થઈ રહ્યાં છે. રાજ્ય સરકાર દ્વારા રચવામાં આવેલી સીટ તેમજ ક્રાઈમ બ્રાંચ તેમજ સ્થાનિક ક્રાઈમ બ્રાંચની ટીમ, લાંચ રૂશ્વત વિરોધી શાખાએ છેલ્લા 10 દિવસથી તપાસનો ધમધમાટ શરૂ કર્યો છે. આ પ્રકરણમાં હવે રાજકોટ મહાનગરપાલિકાના પદાધિકારીઓ તરફ તપાસની અણી તંકાઈ છે. પૂર્વ મેયર પ્રદીપ ડવ, પૂર્વ ચેરમેન પુષ્કર પટેલ અને કોર્પોરેટર નરેન્દ્ર ડવની ટીઆરપી ગેમઝોનના ડીમોલીશન નહીં કરવા બહુ સ્પષ્ટ રીતે ભલામણ હોવાનું સામે ચર્ચાય છે, ત્યારે એસીબી દ્વારા આ ત્રણેયની મિલ્કતો અંગેની માહિતી મેળવવા રાજકોટ સહિત આસપાસના તમામ સબ રજીસ્ટ્રાર કચેરીનો સંપર્ક કરી વિગતો મેળવવામાં આવી રહી છે. જો આ મામલે પુરાવા મળશે તો એસીબી આ ત્રણેય પદાધિકારીઓ સામે કાર્યવાહી કરી શકે છે.