પ્રિ-સ્કૂલોના સીલ ખોલવાની માર્ગદર્શિકા સામે એસોસિએશને નારાજગી વ્યક્ત કરી

માર્ગદર્શિકા અનુસાર અનેક નાના પાયાની પ્રિ-સ્કૂલો બંધ થવાની સ્થિતિ સર્જાશે માર્ગદર્શિકા અંગે સરકાર સમક્ષ પુનઃ વિચારણા માટે એસોસિએશનની રજૂઆત

અમદાવાદ મ્યુનિ. કોર્પોરેશન દ્વારા પ્રિ-સ્કૂલોના સીલ ખોલવા માટે જાહેર કરેલી માર્ગદર્શિકાને લઈને પ્રિ-સ્કૂલ એસો. નારાજ જણાય છે. માર્ગદર્શિકામાં આપેલી સમયમર્યાદા અને અસ્પષ્ટતાઓને લઈને એસો. દ્વારા સરકાર સમક્ષ માગણી કરી છે. જેમાં માર્ગદર્શિકાને લઈને પુનઃ વિચારણા કરવા જણાવાયું છે. હાલની સમયમર્યાદા પ્રમાણે નાના પાયે ચાલતી પ્રિ-સ્કૂલોને તાળા મારવા પડે તેવી સ્થિતિ સર્જાશે અને અનેક બાળકોના શિક્ષણ પર અસર થશે તથા સ્ટાફની આજીવિકાનો પ્રશ્ન ઉભો થશે.