లోక్సభకు మహిళా ఎంపిలు

మహిళా ఓటింగ్ శాతం పెరిగినా తగ్గిన అభ్యర్థుల సంఖ్య గత ఎన్నికల కంటే నలుగురు తక్కువ

తెలంగాణ నుంచి కడియం కావ్య, డికె అరుణ

ఎపి నుంచి తనూజా రాణి, బైరెడ్డి శబరి, పురందేశ్వరి

ప్రభాతవార్త ప్రధాన ప్రతినిధి, హైదరాబాద్, జూన్ 6: ఈసారి లోక్సభ ఎన్నికల్లో మహిళా ఎంపీల గెలుపు తగ్గిపోవడం చర్చనీయాంశంగా మారింది. ఈ ఎన్నికల్లో మహిళల ఓటింగ్ శాతం పెరిగినా...మహిళా ఎంపీలుగా ఎన్నికైన వారి సంఖ్య తగ్గడం గమనార్హం. ఈ లోక్సభ ఎన్నికల్లో మొత్తం 74 మంది మహిళా అభ్యర్థులు ఎన్నిక , 2019 సార్వత్రిఇ ఎన్నికల్లో ఆ సంఖ్య 78గా ఉంది. దేశ వ్యాప్తంగా దిగువ సభకు ఎన్నికైన మొత్తం మహిళా ఎంపీల్లో 11 మంది పశ్చిమ బెంగాల్క చెందినవారే కావడం విశేషం. ఈ ఎన్నికల్లో మొత్తం 797 మంది మహిళా అభ్యర్థులు పోటీ చేయగా, బిజెపి అత్యధికంగా 69 మహిళా అభ్యర్థులను, కాంగ్రెస్ 41 మంది మహిళా అభ్యర్థులను నిలబెట్టింది. తెలుగు రాష్ట్రాల నుంచి ఐదుగురు మహిళలు ఈసారి లోక్సభ ఎన్నికల్లో గెలిచారు. రెండు తెలుగు రాష్ట్రాలైన తెలంగాణ, ఆంధ్రప్రదేశ్ లో ఇటీవల ముగిసిన లోక్సభ ఎన్నికలకు సంబంధించి ప్రధాన రాజకీయ పార్టీల తరపున దాదాపు 15 మంది మహిళా అభ్యర్థులు పోటీ చేశారు.