లోపాలు

లోపాలు

- యామిజాల జగదీశ్

“ నా కన్నా యోగ్యుడు, మంచోడు ఇంకొకడు ఈలోకంలోనే లేడండి” అన్నాడొకడు.

అయితే అతనలా చెప్పడంతోనే నా మిత్రుడు ఎలాంటి నిర్ణయానికి వచ్చాడో తెలుసా...

"అతనికన్నా అయోగ్యుడు, చెద్దోడు ఇంకొకడు ఈ భూమ్మీద ఉండడని” అనుకున్నాడట.

మనిషికి ఉన్న పెద్ద లోపం.. తన దగ్గరున్న లోపం.. అది అతనికి తెలియకపోవడం. కానీ అతనికి ఎదుటి వారిలో లోపాలు మాత్రం స్పష్టంగా కనిపిస్తుంటాయి.

అనగనగా ఓ ఒంటె ఒకరోజు ఓ కొంగను చూసి అడిగింది. అదేం ప్రశ్నో తెలుసా..

"నీ మెడ ఎందుకు వంపు తిరిగి ఉందని?"

తీరా ఒంటె తనకున్న వంపు శరీర నిర్మాణాన్ని మరచి కొంగనలా అడిగి హేళనగా నవ్విందట.

ఇప్పుడు మనలో చాలా మంది స్వభావం ఇలానే ఉంది.

నిజానికి ఈ లోకంలో లోటుపాట్లు లేని మనిషంటూ లేడు. ప్రతి ఒక్కరిలోనూ ఏదో ఒక లోపం తప్పకుండా ఉంటుంది. కానీ అది వారికి తెలీదు. తెలిసినా తెలియనట్టే ఎదుటి వారిలో ఏదో ఒక లోపాన్ని చూసి హేళనగా నవ్వుతారు. మనలో ఉన్న లోపాన్ని మనం ముందుగా అర్థం చేసుకోవాలి.

ఓ ఊళ్లో ఓ విక్రయ కేంద్రం ఉంది. అది ఏ కేంద్రం అంటే అక్కడ పెంపుడు జంతువులను అమ్ముతారు. పిల్లి, కుక్క, చిలుకలు వంటి కొన్ని రకాల పక్షులను సైతం అక్కడ అమ్ముతుంటారు.