విలువైన బహుమతి

విలువైన బహుమతి

- - డి.కె. చదువులబాబు

చర్లపల్లిలో ఉండే చంద్రయ్య దగ్గర ఒక ఒంటె ఉంది. ఆ ఒంటె మీద పిల్లలను ఎక్కించుకుని అటూఇటూ కొంతదూరం తిప్పేవాడు. అందుకుగాను ఒకరికి పదిరూపాయలు చొప్పున డబ్బు తీసుకునేవాడు. ఎవరైనా డబ్బు తక్కువ ఉంది అంటే ఇచ్చినకాడికి పుచ్చుకునేవాడు. డబ్బు ఇవ్వలేని పేదపిల్లలు ఒంటెను ఎక్కి తిరగాలని ఉబ లాటపడితే వారిని ఉచితంగా తిప్పేవాడు. చంద్రయ్య వలసజీవి. ఆగ్రామంలో తన ఇంట్లో కొన్ని రోజులు మాత్రమే ఉండేవాడు. మిగిలిన రోజులు భార్యా, ఇద్దరు పిల్లలతో గ్రామాలు, పట్టణాలు తిరిగి ఒంటె మీద పిల్లలను తిప్పుతూ సంపాదించుకునేవాడు.