'వేయి పడగలు' కు 90 యేళ్లు

సాహిత్యo

- జయసూర్య

కవి సమ్రాట్, భారతీయ  జ్ఞానపీఠ పురస్కార బహుమతి విశ్వనాథ గ్రహీత సత్యనారాయణ గారి 'వేయి పడగలు' తెలుగు సాహిత్యంలో అజరామరమైన కీర్తి శిఖరంపై వున్న మహా నవలా రాజం. 1895 సెప్టెంబరు 10న జన్మించి, 1976 అక్టోబరు 18న పరమపదించిన విశ్వనాథవారి సాహితీ విరాట్ స్వరూపం, సనాతన ప్రాచీన భారతీయ ఆత్మను కదిలించి, సమాజాన్ని జాగృతి పరిచిన మహాత్మ్య మహనీయ శకాన్ని, తరాన్ని మేల్కొలిపింది. 1934లో సరిగ్గా 29 రోజులలో 999 అరటావుల మీద విశ్వనాథ ఆశువుగా చెప్తుంటే సోదరడు వేంకటేశ్వర్లు గ్రంథస్థం చేసిన 'వేయి పడగలు'కు ప్రస్తుత సందర్భంలో 90 ఏళ్లు వచ్చాయి.

1937-38లలో ఆంధ్రపత్రిక వారపత్రికలో, 1987-88లలో తిరిగి అదే పత్రికలో ధారావాహికగా ప్రచురింపబడిన వేయి పడగలు, విశ్వనాథ మహోన్నత సాహితీ ప్రతిభా సంపన్నతకు ఒక మణిదీపం. భారత ప్రధానిగా, బహు భాషా కోవిదునిగా మహనీయ మేధావి డా॥ పి.వి.నరసింహారావు 1968 ప్రాంతాలలో ఈ నవలను హిందీలోకి అనువదించి జగత్ప్రసిద్ధిగా కీర్తిమంతం చేసారు. ఆ అనువాదం 'సహస్రఫణ్' పేరిట దూరదర్శన్ ప్రసారాలు, ప్రపంచ నవలా సాహిత్యంలో తెలుగు భాషకు గౌరవార్హతల పెద్ద పీట లభించింది.

"వేయి పడగల పాము విప్పారుకొని వచ్చి కాటందుకున్నది కలలోన రాజును"