యూరప్ లో రాజభవనాలు

యూరప్ లో అనేక అద్భుతమైన రాజభవనాలు ఉన్నాయి. కళాసంపదకు నిలయంగా భాసిల్లుతున్నాయి ఆ భవనాలు. వాటిలోభవనాలు. వాటిలో కొన్ని అ రాజభవనాల గురించి తెలుసుకుందాం.

- షేక్ అబ్దుల్ హకీం జాని

చాంబోర్డ్ కోట

మొదటి ఫ్రాన్సిస్ రాజు దండ యాత్రలు చేసి యూరప్ లోని పలు ప్రాంతాలలో తన ఆధిపత్యాన్ని చాటుకోవాలని భావించాడు. తన కీర్తి ప్రతిష్ఠలను పెంచుకోవడం కోసం ఫ్రాన్స్ నడిబొడ్డులో చలోన్నెస్ మధ్య ఉన్న లోయర్ నదిని ఆనుకుని ఉన్న సారవంతమైన లోయలో కళాఖండాలతో నిండిన ఓ అద్భుతమైన రాజభవంతిని నిర్మించాలనే కోరిక అతని మనస్సులో 1516లో ఆవిర్భవించింది. ఇక్కడి ప్రాంతాలలో అతను తరచూ వేటకు వెళ్లేవాడు. అందువల్ల ఇక్కడ కోటను నిర్మించాలని భావించాడు. అనుకున్నదే తడవు ఫ్రాన్స్ లోని కాసన్ నది పరివాహక ప్రాంతంలో లోయర్ వద్ద అద్భుతమైన రాజభవనాన్ని నిర్మించాడు.మొదటి ఫ్రాన్సిస్ 25 జనవరి 1515లో తన 20వ యేట ఫ్రాన్స్ రాజుగా పట్టాభిషిక్తుడైనాడు. చిన్న వయస్సు లోనే అధికారం చేపట్టిన అతనికి రాజ్యకాంక్షతో పాటు స్త్రీలోలుడనే అపవాదు కూడా ఉంది. చాంబోర్డ్ కోట నిర్మాణం 1519లో ప్రారంభమైంది. ఈ కోట నిర్మాణం 1547 వరకు పూర్తి కాలేదు.