సింగిల్ పేజీ కథ

అంతు చిక్కని ప్రశ్న

- పి.ఎల్.ఎన్. మంగారత్నం

ఆరోజు....

ఆయనతో కలిసి వెళ్లి ఏ.టి.ఎం.సెంటర్లో కాస్త ఎక్కువ మొత్తంలోనే డబ్బులు డ్రా చేసాను. వాటిని అక్కడే పర్స్లో పెట్టుకుంటూ అనుకున్నాను....

"ఇంటికి వెళ్లేంతవరకు దీన్ని తెరవకూడదు" అని.

పైగా నిండుగా, లావుగా కూడా ఉండడంతో జాగ్రత్తగానే పట్టుకున్నాను.

అయితే..

దారిలో పండ్ల బండి కనిపిస్తే మాత్రం ఆగమన్నాను.

ఎన్నో రోజులుగా ఆయన్నిపండ్లు తమ్మంటే తేవడం  లేదని నేనే కొనాలనుకున్నాను. ఓ కర్బూజా పండు, నూట

ఇరవై చెబితే వంద రూపాయలకి బేరం చేసాను.

పర్స్ లొ చెయ్యి అనుకున్నందుకు "ఓ వంద రూపాయలు ఉన్నాయేమో! చూడండి" అన్నా.

రెండు వందల రూపాయల నోటు తీసి ఇచ్చారు. అతడు వంద చిల్లర ఇస్తుంటే వచ్చాను కదా! మళ్లీ మళ్లీ తిరిగే పని లేకుండా దానిమ్మలు కూడా కొనాలనిపించింది.

“అవి ఎలాగా?” అన్నాను దానిమ్మలు చూపిస్తూ.

అవి ఒక్కోటి డెబ్బై రూపాయలమ్మా! మీకు నూట పది రూపాయలకు రెండు ఇస్తాను" అన్నాడు.

"ఏమక్కరలా!" అని విసుక్కుంటూ అతను ఇవ్వబోయే చిల్లర కోసం చెయ్యి చాచారు ఆయన.