సాహిత్యం

ప్రజ్ఞానిధి 'వేటూరి ప్రభాకర శాస్త్రి'

- జయ సూర్య

ఆం ధ్ర భాషలో కవిత్వం, విమర్శ, పరిశోధన.. ఈ మూడు అంశాలలో అద్వితీయ వాఙ్మయ ప్రతిభా సంపన్నులైన వేటూరి ప్రభాకర శాస్త్రి మహా రచయితగా, ఆంధ్ర భారతికి అపూర్వ సాహితీ సేవలందించిన అత్యుత్తమ పాండితీ భాషాభివర్ధకులు. చెళ్లపిళ్ల వేంకటశాస్త్రి గురుత్వానుగ్రహ ప్రభావంతో ప్రభాకర శాస్త్రి, ఆంధ్ర వాఙ్మయ సరస్వతిని ఆరాధించారు.

పరమేశ్వర ప్రీత్యర్థం జీవిత సంకల్పంగా విశిష్ట ఆధ్యాత్మిక అవలోకనంతో వచన, ఖండకావ్య, సంస్కృత అనువాద, చారిత్రక భాషా, పరిశోధక సాహితీ వేత్తగా కీర్తి ప్రతిష్ట పొందారు. ప్రాచీన ఆధునిక సారస్వత పాండితీ ప్రజ్ఞా నిధిగా, వారధిగా ఆంధ్ర భాషకు జీవం అందించారు.