టూత్ బ్రష్

అనన్య అపార్ట్మెంటావారు తమ వార్షికోత్స వాన్ని రంగరంగ వైభవంగా జరుపుకోవాలనుకున్నారు.అందులో భాగంగా కమిటీవారు ఫ్లాట్స్ లోని జంటల్లో 'బెస్ట్ లవ్లీ కపుల్'ని ఎంపిక చేసి, ఘనంగా సన్మానం చేయాలనుకున్నారు.

- ఆర్.సి. కృష్ణస్వామి రాజు

అనన్య అపార్ట్మెంటావారు తమ వార్షికోత్స వాన్ని రంగరంగ వైభవంగా జరుపుకోవాలనుకున్నారు.అందులో భాగంగా కమిటీవారు ఫ్లాట్స్ లోని జంటల్లో 'బెస్ట్ లవ్లీ కపుల్'ని ఎంపిక చేసి, ఘనంగా సన్మానం చేయాలనుకున్నారు.

అనుకున్నదే తడవుగా నోటీసు బోర్డులో సర్క్యులర్ని డిస్ప్లే చేశారు.పసందుగా పది ఎంట్రీలు వచ్చాయి.

కార్యక్రమానికి ముందు వారం పట్టణానికి దూరంగా ఉన్న రిసార్ట్స్ లో 'బెస్ట్ లవ్లీ కపుల్ ఎంపిక కార్యక్రమం ఏర్పాటు చేశారు.

రంగు రంగుల డ్రెస్సులేసుకుని, ముక్కులు పగిలిపోయేలా సెంట్లు కొట్టుకుని జంటలు జంటలుగా వచ్చి పోటీలో పాల్గొన్నారు.

సెలెక్షన్ కమిటీవారు వడపోత చేయగా చేయగా చివరికి మూడు జంటలు మిగిలాయి.సెలెక్ష కమిటీవారు ఆ మూడు టూత్ ఇంటర్వ్యూ చేయడం ప్రారంభించారు.

మొదటగా కంచు కమల జంట వంతు వచ్చింది.

పెళ్లై పాతికేళ్లు అయినా ఒకే మంచం, ఒకే కంచం వాడతామని చెప్పారు.ప్రేమ సూచికలుగా వాళ్ల చేతుల మీద వేసుకున్న పచ్చబొట్లను చూపించారు. ఒకరు లేనిదే మరొకరు అన్నం తినమని, ఇద్దరూ ఉంటేనే నోట్లోకి నాలుగేళ్లూ పోతాయని చెప్పుకొచ్చారు. నిద్ర లేచిన వెంటనే నవ్వుతూ ఒకరి ముఖాలు ఒకరు చూసుకుంటామని కూడా చెప్పారు.