ఇలా చేస్తే చాలు..

చాలా మంది సభలు, సమావేశాలలో మాట్లాడాలంటే భయపడతారు.

- 'యామిజాల జగదీశ్

చాలా మంది సభలు, సమావేశాలలో మాట్లాడాలంటే భయపడతారు. అందుకు ముఖ్య కారణం.. నాకు ఏమీ రాదు.. మిగిలిన వారిలా నేను మాట్లాడలేనని అనుకోవడమే.

వందల మంది హాజరైన సభలో మాట్లాడమని కోరితే ఇక అంతే వారి సంగతి....అటువంటి సమావేశంలో ప్రముఖులు..వారి సమక్షంలో నేనేం మాట్లాడ అనుకుంటారు. అమ్మో! నేను ఒకదానికొకటి మాట్లాడితే ఏమనుకుంటారో? అని ఉన్నవీ లేనివీ అనుకుని మైకు ముందు నిల్చోడానికి వెనకాడతారు. కానీ నిజానికి అదేమంతా కష్టమైన కార్య కాదంటారు అందుకు సంబంధించిన నిపుణులు. ఎవరైనా మాట్లాడవచ్చు... ఇది అదేమీ పెద్ద విషయం కాదంటారు.

మీరొక మంచి వక్త కుంటున్నారా? అందుకు కొన్ని విషయాలు చెప్తానన్నారు మద్రాసు ఆలిండియా రేడియోలో పని చేసిన తెచ్చి స్వామినాథన్ అనే ప్రముఖ రచయిత.

మొదటి సూచన.... మీరు చెప్పదలచుకుకున్న మాట స్పష్టంగా సులువుగా ఉండాలి. ఏదైనా ఒకటి లేదా రెండు అభిప్రాయాలు చెప్తే సరిపోతుంది. అంతేతప్ప తెలుసు కదా అని ఇరవై ముప్పై అభిప్రాయాలు చెప్పుకుంటూ ప్రసంగాన్ని కొనసాగించకూడదు.

రెండవ సూచన.. మీరసలు ఏం మాట్లాడదలచుకున్నారో ఆ విషయం మీద మీకు పట్టు ఉండాలి. స్పష్టత ముఖ్యం. అస్పష్టంగా మాట్లాడకూడదు.