పంటినొప్పి దేశభక్తి

ఒక మిత్రుడు వచ్చాడు. అతనికి దైవభక్తి కంటే దేశభక్తి ఎంతో ముఖ్యమైనదని తరచూ అంటుంటాడు. ఏదో మాటవరకు చెప్పడం కాదు. అలా ఆచరించిన సందర్భాలు ఉన్నాయి. నిజంగానే దేశభక్తి ఉన్నవాళ్లు ఉన్నారు.

- యామిజాల జగదీశ్

ఒక మిత్రుడు వచ్చాడు. అతనికి దైవభక్తి కంటే దేశభక్తి ఎంతో ముఖ్యమైనదని తరచూ అంటుంటాడు. ఏదో మాటవరకు చెప్పడం కాదు. అలా ఆచరించిన సందర్భాలు ఉన్నాయి. నిజంగానే దేశభక్తి ఉన్నవాళ్లు ఉన్నారు.

దేశభక్తి ఉన్నట్టు అవీ ఇవీ చేస్తూ అలా అనిపించుకున్నవాళ్లూ ఉన్నారని నేనొకమారు అతనితో చెప్పాను. అప్పుడు అతను నాకో కథ చెప్పాడు. ఇది పోలెండ్ దేశానికి చెందిన ఓ చిన్న కథ.

ఆ ఊళ్లో ఓ పెద్ద మనిషి ఉండేవాడు. అతను వయోవృద్ధుడు. అలాగే బాగా ఉన్నవాడు. సకల సౌకర్యాలూ ఉన్నాయి. అయితే అతనికి ఓ సమస్య. అదేమిటంటే పంటినొప్పి.

ఓ పిప్పిపన్ను చాలా కాలంగా అతనిని ఇబ్బంది పెడుతోంది. చాలా కష్టపడుతున్నాడు. ఏం పంట చేయాలి! అని ఆలోచించాడు. ఒకరోజు నౌకరుని పిలిచాడు. “పరుగున వెళ్లి పంటి డాక్టరుని తీసుకురా" అని అన్నాడు. సరేనని నౌకరు వెళ్లి డాక్టరుని తీసుకొచ్చాడు.

పంటి డాక్టరు వచ్చారు. అప్పటి వరకూ ఎవరికీ పంటిని చూపించని ఆ మొదటిసారిగా డాక్టరుకి నోరు తెరిచి ఇబ్బంది పంటిని పెడుతున్న చూపించాడు. డాక్టరు అది చూసి "దానిని తీసెయ్యడమే మంచిది" అన్నాడు. ఇలా డాక్టరు చెబుతున్న సమయంలోనే మరొక దేశపు(రష్యా) దళపతి ఈ వృద్ధుడిని వెతుక్కుంటూ వచ్చాడు.