ప్రోటీన్ డైట్...

మానవ శరీరం నిర్వహించాల్సిన విధులకు, ఆరోగ్యకర జీవనానికి అనేకరకాల పోషకపదార్థాలు అవసరమవుతాయి.

- తరిగొప్పుల విఎల్లెన్ మూర్తి

మానవ శరీరం నిర్వహించాల్సిన విధులకు, ఆరోగ్యకర జీవనానికి అనేకరకాల పోషకపదార్థాలు అవసరమవుతాయి. ప్రొటీన్లు జీవితానికి అత్యవసరం. చర్మం, వెంట్రుకలు, గోళ్లు, ఎముకలు, రక్తం, కార్టిలేజ్లలో అతిముఖ్యమైన భాగం ప్రొటీన్. ఎంజైమ్స్, హార్మోన్స్ ముఖ్యమైన బాడీ ప్రొటీన్లను తయారు చేసేందుకు శరీరం కూడా ఈ ప్రోటీన్లను వినియోగించుకుంటుంది. నిర్దిష్ట రసాయన ప్రక్రియలను ఎంజైమ్లు వేగవంతం చేస్తాయి. డైజెస్టివ్ ఎంజైమ్లు మనం తీసుకున్న ఆహారాన్ని ముక్కలుగా చేసి శరీర వ్యవస్థలోకి శక్తిని విడుదల చేసేందుకు తోడ్పడుతాయి. హార్మోన్లు సెల్యులర్ మెసెంజర్లుగా పనిచేస్తాయి.