పిల్లి తీర్చిన పిట్టపోరు

సింగిల్ పేజీ కథ

- తంగిరాల చక్రవర్తి

అ ది కైలాసపురం గ్రామం. ఊరు రియల్ ఎస్టేట్ వ్యాపారాలతో విస్తరించడం, పలు కెమికల్ ఫ్యాక్టరీలు ఏర్పడటంతో సిటీ కొత్త పెళ్లికూతురులా కళ సంతరించుకొంది. రాజకీయ పలుకుబడుల వల్ల గ్రామంగానే కొనసాగుతున్న ఓ పెద్ద వ్యాపార కేంద్రం. ఒకనాడు అన్ని పల్లెల్లాగే అదొక మారుమూల పల్లె.

ఫ్యాక్టరీలు, రియల్ ఎస్టేట్ వెంచర్ల పెరుగుదలతో పచ్చటి పైరు పొలాలు, కాంక్రీట్ జంగల్ మాదిరిగా మారాయి.చెరువుల నీరు కలుషితమయ్యాయి.శతాబ్దాల తరబడి వృద్ధ స్త్రీ మోములా ఆ గ్రామ పరిసరాలు రోడ్లు, పర్యావరణం కళావిహీనంగా మారింది.

అన్ని ఊళ్లలో ఉండేదే అయినా ఈ గ్రామంలోనూ రెండు పార్టీలుంటూ ప్రజల్ని రెండు వర్గాలుగా చీల్చాయి. తూర్పువైపు అభివృద్ధి అవ్వడంతో పశ్చిమ వైపు గ్రామ ప్రజలు ప్రత్యేక గ్రామంగా విడిపోవాలని ఆందోళన చేసారు పెద్ద ఎత్తున.