ఆహా! బలే గాజు వంతెనలు

పలు నగరాలు, దేశాల మధ్య దూరాన్ని తగ్గించి రవాణా వ్యవస్థను పటిష్టం చేసుకోవడానికి, త్వరగా గమ్యం చేరడానికి ఎన్నో వంతెనలు నిర్మించారు.

- షేక్ అబ్దుల్ హకీం జాని

పలు నగరాలు, దేశాల మధ్య దూరాన్ని తగ్గించి రవాణా వ్యవస్థను పటిష్టం చేసుకోవడానికి, త్వరగా గమ్యం చేరడానికి ఎన్నో వంతెనలు నిర్మించారు. ఇదే రీతిలో ప్రకృతి అందాలు తిలకించడానికి ఆధునిక పోకడలతో గాజు వంతెనలు నిర్మించిన దేశాలు అనేకం ఉన్నాయి. వీటిపై నడుస్తుంటే గాల్లో తేలుతున్న అనుభూతి కలుగుతుంది. అందుకే వీటిని స్కైవాక్ బ్రిడ్జీలు అని పిలుస్తారు. గాజు వంతెనపై నడక అనేది సాహసమే అని చెప్పాలి. గాజు వంతెనలపై గుండె కొందరు పర్యాటకులు నడుస్తూ ఆహా ! బ అలౌకిక ఆనందాన్ని పొందుతుంటారు.

గాజు వంతెన అంటే చిటికెలో పగిలిపోయే గాజు కాదు సుమా! రెండు కొండల మధ్య నిర్మించిన ఈ గాజు వంతెనపై పర్యాటకులు ధైర్యంగా నడుస్తూ, గాల్లో తేలుతున్న అనుభూతిని పొందుతూ ప్రకృతి సోయగాలను ఆస్వాదిస్తున్నారు. ఇవి చాలా దృఢంగా ఉంటాయనే నమ్మకం కలిగించేందుకు కొన్ని గాజు వంతెనపై కార్లు నడిపిన సందర్భాలు కూడా ఉన్నాయి.

వియత్నాం గాజు వంతెన

గాజు వంతెన పేరు చెప్పగానే అందరికీ వియత్నాం గుర్తుకు వస్తుంది. వియత్నాంలో ప్రపంచంలోనే అత్యంత పొడవైన గాజు వంతెనను సోన్ల ప్రావిన్స్ లోని ఉత్తర హైలాండ్స్ టౌన్ మోక్ చౌ ఐలాండ్ అనే ప్రాంతంలో నిర్మించారు. వైట్ డ్రాగెన్ బ్రిడ్జిగా పిలిచే ఈ గాజు వంతెన పొడవు 632 మీటర్లు. వెడల్పు 2.5 మీటర్లు. 150 మీటర్ల లోతైన లోయపై ఈ గాజు వంతెనను నిర్మించారు.వియత్నాంలో ఇది మూడో గాజు వంతెన. అయితే ఇది ప్రపంచంలోనే అతి పెద్ద పారదర్శక గాజు వంతెనగా ప్రసిద్ధి చెందింది. ఈ వంతెనకు 'బాచ్ లాంగ్' అని నామకరణం చేశారు. వియత్నాంలోని సోన్ల ప్రావిన్స్ లోని బాచ్ లాంగ్ బ్రిడ్జ్ ప్రపంచంలోని అతి పొడవైన గాజు వంతెనగా నిర్ధారించారు. ఫ్రాన్స్ నుండి దిగుమతి చేసుకున్న ప్రత్యేకమైన గాజుతో దీన్ని నిర్మించారు. సెయింట్ గోన్ అనే ఫ్రాన్స్ కంపెనీ ఉత్పత్తి చేసి ఇచ్చిన సూపర్ టెంపర్డ్ గ్లాస్గో బ్రిడ్జిని తయారు చేశారు. ఒకేసారి 450 మంది దీనిపై నడిచినప్పటికీ ఆ బరువును తట్టుకునే సామర్థ్యంతో దీన్ని నిర్మించారు. 290 మీటర్ల ఎత్తైన రెండు శిఖరాల మధ్య దీన్ని నిర్మించారు. వంతెన చాలా ఎత్తులో ఉండటం వల్ల లిఫ్ట్ ద్వారా వంతెనను చేరుకుని అక్కడి నుండి పర్యాటకులు దీనిపై నడుస్తారు. 28 ఏప్రిల్ 2022లో పర్యాటకుల కోసం దీన్ని తెరిచారు. ఇది వియత్నాం రాజధాని హనోయికి వాయువ్యంగా 200 కి.మీ. దూరంలో లావోస్ సరిహద్దులో ఉంది.