గోపాలుడు నడయాడిన గుత్తికొండ బిలం

- మన రాష్ట్రంలో ప్రఖ్యాతిగాంచిన గుహలు లేదా బిలాలలో ప్రథమస్థానంలో ఉన్నవి బొర్రాగుహలు.

- ఇలపావులూరి వెంకటేశ్వర్లు

- మన రాష్ట్రంలో ప్రఖ్యాతిగాంచిన గుహలు లేదా బిలాలలో ప్రథమస్థానంలో ఉన్నవి బొర్రాగుహలు. తరువాత ఆ స్థాయిలో కాకున్నా స్థానిక ఆకర్షణ పొందుతున్నవి నంద్యాల జిల్లాలోని బెలూం గుహలు. వీటికి భిన్నంగా ఉండే గుహలు కూడా ఉన్నాయి. అవే పల్నాడు జిల్లాలోని గుత్తికొండ గ్రామ సమీపంలోని గుహలు.

క్షేత్రగాథ ప్రకారం గుత్తికొండ బిలం పౌరాణిక చారిత్రక ప్రాశస్త్యం కలిగిన ప్రదేశం. అనేకమంది మహర్షులు ఇక్కడ తపస్సు చేశారని చెప్తారు. గత శతాబ్దంలో ఎందరో మహనీయులు ఇక్కడ ఆధ్యాత్మిక సాధన చేసి ముక్తిని పొందారని అనేక గాథలు ప్రచారంలో ఉన్నాయి.

క్షేత్రగాథ

పురాణాలలో చూసినట్లయితే మహర్షులు తపోభూములు ఎక్కువగా నదీతీరాలలో అంటే నీటివసతి ఉన్న కొండగుహలలో, దట్టమైన వనాలలో ఉన్నట్లుగా తెలుస్తుంది.జలం జీవం కదా! వివిధ ప్రాంతాలలో కనిపించే ఆలయాలు వారు తమ నిత్యపూజల నిమిత్తం ఏర్పాటు చేసుకొన్నవి అని కూడా అర్థం చేసుకోవచ్చు. తొలి గుహాలయాలు పల్లవుల కాలంలో నిర్మించినట్లుగా తెలుస్తోంది. గుత్తికొండ బిలం పురాణ ప్రాముఖ్యం తెలుసుకోవాలంటే భాగవంతంలోని కొన్ని గుత్తికొండ క్షేత్రగాథ ప్రధానంగా ముచికుందుడు అనే మహారాజుతో ముడిపడి ఉన్నది. ఎవరీ ముచికుందుడు?

ముచికుందుడు

భాగవత పురాణంలో ఈయన ప్రస్థావన ఉన్నది. సూర్యవంశానికి చెందిన మాంధాత మహారాజు పుత్రుడు. అనేక పురాణాలలో పేర్కొన అంబరీష మహర్షి ఈయన సోదరుడు. గొప్పయోధుడు. సామ్రాజాన్ని నలుదిశలా విస్తరింపచేసాడు.ధర్మబద్ధంగా ప్రజారంజకంగా పాలన చేసేవారు. ఆయన కీర్తి, ధైర్యసాహసాలు దేవలోకాన్ని చేరుకొన్నాయి. ఆ సమయంలో అసురులతో పోరాడుతున్న అమరులు ఓటమి అంచున ఉన్నారు.దేవేంద్రుడు శ్రీమహావిష్ణువు సలహా మేరకు దూతలను ముచికుందుని వద్దకు పంపి యుద్ధంలో సహాయం చేయమని అర్థించారు. వారి కోరికను మన్నించి దేవదానవ యుద్ధంలో పాల్గొన్నారు.ముచికుందుడు. ఎన్నో సంవత్స రాలు గడిచిపోయాయి. దేవతలను విజయం వరించింది. ఆదిదంపతుల కుమారుడైన |శ్రీసుబ్రహ్మణ్యస్వామి దేవసేనాధిపతిగా బాధ్యతలు స్వీకరించారు. ముచికుందుడు శ్రీమహావిష్ణువును సందర్శించుకున్నారు.ఆయనను భూలోకానికి వెళ్లడానికి అనుమతి కోరారు. శ్రీహరి ఇప్పుడు భూలోకంలో ద్వాపరయుగం నడుస్తోంది.