సెల్ఫోను రాగాలు

కొడుకు డైనింగ్ టేబులు దగ్గర ఫోనులో యూ ట్యూబు ప్రోగ్రాములు తన్మయత్వంగా చూస్తుండటం గమనించాడు. ఒక్కుదుటున లేచి కుర్రాడి దగ్గర ఫోను తీసుకున్నాడు.

- సుస్మితా రమణమూర్తి

నాలుగేళ్లు కూడా లేని పిల్లాడు శ్రీరాజ్ లేస్తూనే వెళ్లి క్రికెట్టు మ్యాచ్ చూస్తున్న తండ్రి పక్కన చేరాడు.కరెంటు పోయింది. టి.వి. ఆఫ్ చేసి, అతడు తన ఫోను కోసం పక్కన చూసాడు. అక్కడ అది కనిపించలేదు. కొడుకు డైనింగ్ టేబులు దగ్గర ఫోనులో యూ ట్యూబు ప్రోగ్రాములు తన్మయత్వంగా చూస్తుండటం గమనించాడు. ఒక్కుదుటున లేచి కుర్రాడి దగ్గర ఫోను తీసుకున్నాడు.

కుర్రాడు ఏడ్వసాగాడు.తండ్రి పట్టించుకోలేదు.

“వెళ్లి బ్రషింగ్ చేయించుకో. ఏదైనా తిని పాలు తాగు. ఆ తర్వాత స్నానం చేద్దువు" అంటూ టీవీకి ఎదురుగా కూర్చున్నాడు అతడు.

కుర్రాడు ఏడుపు ఆపలేదు. ఇంతలో కరెంటు వచ్చింది. అతడు మరల క్రికెట్టు చూడంలో లీనమైపోయాడు. గుక్క పెట్టి ఏడుస్తూనే కుర్రాడు పక్క గదిలోకి వెళ్లాడు. విశ్రాంతి తీసుకుంటున్న తాతగారిని ఫోన్ అడిగాడు.

తాత వాడి మాటలు పట్టించు లేదు. కుర్రాడి ఏడుపు రెట్టింపు అయింది.

పూజ చేసుకుంటున్న పిల్లాడి తల్లి అసహనంగా ఆ వైపు చూసింది.

"బాత్రూలంలోకి పద.. బ్రషింగు, స్నానం ఒకేసారి అయిపోతాయి" అన్న అమ్మమ్మ మాటలు వాడు వినలేదు.