ప్రకృతియే మన ఆయువు

విశ్వంలో జీవరాశుల మనుగడకు మూలాధారం అయిన భూమి, ఆకాశం, గాలి, నీరు, నిప్పు అనే పంచభూతాలను ప్రకృతే ఈ విశ్వానికి అందించింది.

- నేదునూరి కనకయ్య

విశ్వంలో జీవరాశుల మనుగడకు మూలాధారం అయిన భూమి, ఆకాశం, గాలి, నీరు, నిప్పు అనే పంచభూతాలను ప్రకృతే ఈ విశ్వానికి అందించింది. పంచభూతాల నిష్పత్తిలో సమతుల్యత లోపించి మానవజీవనం అస్తవ్యస్తమౌతుంది. మానవాళి పలు విపత్తు లకు గురౌతుంది. ప్రకృతి వాతావరణ పర్యావరణ సమతుల్యత మానవ మనుగడకు అత్యంత అవసరం. ఆధునికీకరణ 'పారిశ్రామికీకరణ పట్టణీకరణ' శీఘ్రంగా విస్తరిస్తున్న కార్పొరేటీకరణ 'శాస్త్ర' సాంకేతిక రంగాల్లో సంభవిస్తున్న పరిణామాలు ప్రకృతి విధ్వంసం దిశగా కొనసాగి పర్యావరణం పలు సవాళ్లను ఎదుర్కొంటుంది.

ప్రకృతి విధ్వంసం మానవుడు తన భౌతిక అవసరాల కోసం తరతరాల ప్రకృతిని విధ్వంసం చేస్తున్నాడు. ప్రకృతి మీద ఆధిపత్యం సాధిస్తున్ననానే మాయలో పడి మానవ మనుగడకు ఆధారమైన ప్రకృతి రక్షిస్తే అది మనలను రక్షిస్తుంది అన్న వాస్తవాన్ని మరిచిపోవడం గమనార్హం. 'ప్రకృతి రక్షితే మానవ రక్షిత' అన్న సత్యాన్ని మరువకూడదు. మానవుడు చేసే చర్యలు భవిష్యత్ తరాలకు శాపంగా పరిణమించే ప్రమాదాన్ని గుర్తించకపోవడం శోచనీయం.

భారతదేశంలో ప్రకృతిని దేవతగా ఆరాధించే సంస్కృతి వుందన్న చారిత్రక సత్యాన్ని మరిచి పోకూడదు. ఆధునికీకరణ పేరుమీద ప్రకృతి | సహజవనరులను విచక్షణారహితంగా అపరిమితం గా వినియోగిస్తూ పరిమితవనరులను కాలుష్యం చేస్తూ భావితరాల వారికి ఆర్థిక 'ఆరోగ్య సమస్యలను కానుకగా ఇస్తున్నాం. వారసులకు సంపద ఇవ్వాలని పోటీపడుతున్న సమాజంలో స్వచ్ఛత గల ప్రకృతి పర్యావరణాన్ని ఇవ్వాలన్న స్పృహ లోపించింది. సుస్థిరాభివృద్ధికి తీవ్రవిఘాతం కలిగించే ధోరణిని సమాజం విడనాడాలి.

అటవీ క్షీణత పెరుగుతున్న కాలుష్యం