சுகமான வாழ்விற்கு சுஞ்சனகட்டே கோதண்டராமர்

கர்நாடக மாநிலம் மைசூரிலிருந்து சுமார் 40 கிலோமீட்டர் தொலைவில், கிருஷ்ணராஜா நகர் (கே. ஆர். நகர்) அருகில் சுஞ்சனகட்டே கிராமம் உள்ளது.

- ராஜிராதா

அருவியின் சத்தம்

இங்கு மிக பழமையான ராமர் கோயில் உள்ளது. கோயிலின் அருகில் காவேரிநதி, இங்கு 20 மீட்டர் உயரத்திலிரூந்து நீர் வீழ்ச்சியாக கொட்டுகிறது. இதன் சத்தம் "ஹோ” என காதை கிழிக்கிறது.

ஒரு ஆச்சர்யம்! அருகில் உள்ள கோயிலுக்குள் இந்த சப்தம் கேட்கிறது. கர்ப்பகிரகத்தினுள் சென்று தரிசிக்கும்போது மட்டும் கேட்பதில்லை. இது இங்குள்ள ராம ரின் அருள் என பக்தர்கள் நம்புகின்றனர்.

கற்சிலையாக மாறிய ராமர்

ஒருகாலத்தில், இந்த காட்டுப்பகுதி தண்டகாரண்யம் நாட்டுடன் இணைந்து இருந்தது. அப்போது சீதை மற்றும் லட்சுமணனுடன் வனவாசம் மேற்கொண்ட ராமர், இங்கு வந்தாராம். அப்போது இந்த பகுதியில் வேடன் சுன்ச்சா மற்றும் அவன் மனைவி சுன்சி வசித்து வந்தனர். அவர்கள் வந்தவர்களின் முகத்தில் ராஜகலைஜொலிப் பதை பார்த்து அவர்களை இங்கேயே தங்கி இருங்கள் என்று கேட்டுக் கொண்டார்கள். ராமனும் சம்மதித்து அங்கே சிறிது காலம் தங்கினாராம். ஆனால் சீதைக்கு குளிக்க, துவைக்க தண்ணீர் இல்லையாம். உடனே லட்சுமணனிடம் ஒரு நீரூற்றை உருவாக்கிக் கொடு என்றாராம். லட்சுமணனும் பிரார்த்தித்து அருகில் உள்ள பாறையை நோக்கி சில அம்புகளை விட்டாராம்.