മുൻ ഉദിത്തനങ്ക എന്ന ഭദ്രകാളി

മുൻ ഉദിത്തനങ്ക, സരസ്വതിവിഗ്രഹം, വേളിമല കുമാരകോവിൽ നിന്ന് കുമാരസ്വാമി അഥവാ മുരുകസ്വാമി എന്നീ ഭഗവത് സാന്നിധ്യങ്ങളാണ് നവരാത്രിക്ക് അനന്തപുരിയിലേക്ക് ആനയിക്കപ്പെടുന്നത്. ഈ വിഗ്രഹഘോഷ യാത്രകളെല്ലാം കൽക്കുളത്ത് ഒന്നുചേർന്ന് ഒരുമിച്ച് അനന്തപുരിയിലേയക്ക് എത്തുന്നു

കേരളത്തിൽ ഏറ്റവും വലിയ നവരാത്രി ആ ഘോഷം നടക്കുന്നത് തലസ്ഥാനത്ത് തന്നെയാണ്. തമിഴ്നാടിന്റെ ഭാഗമായ കന്യാകുമാരി ജില്ലയിലെ പത്മനാഭപുരത്ത് നിന്ന് ഗജവീരന്മാരുടെ അകമ്പടിയോടെ വഴിനീളെ പ്രൗഢഗംഭീരമായ സ്വീകരണം ഏറ്റുവാങ്ങിയാണ് നവരാത്രി വിഗ്രഹങ്ങൾ അനന്തപുരിയിലേയ്ക്ക് ആഘോഷപൂർവ്വം ആനയിക്കപ്പെടുന്നത്. നവരാത്രിവിഗ്രഹങ്ങൾ തലസ്ഥാനത്ത് എത്തുന്നതോടെ നഗരം നവരാത്രി ആഘോഷത്തിലമരുന്നു. മൂന്ന് വിഗ്രഹങ്ങളാണ് നവരാത്രിയോടനുബന്ധിച്ച് തലസ്ഥാനത്ത് എത്തിക്കുന്നത്. മുൻ ഉദിത്തനങ്ക, സരസ്വതിവിഗ്രഹം, വേളിമല കുമാരകോവിൽ നിന്ന് കുമാരസ്വാമി അഥവാ മുരുകസ്വാമി എന്നീ ഭഗവത് സാന്നിധ്യങ്ങളാണ് അനന്തപുരിയിലേക്ക് ആനയിക്കപ്പെടുന്നത്. ഈ വിഗ്രഹങ്ങളെല്ലാം കൽക്കുളത്ത് ഒന്നുചേർന്ന് ഒരുമിച്ച് അനന്തപുരിയിലേയക്ക് എത്തുന്നു.

മുൻ ഉദിത്തനങ്ക

മുൻ ഉദിത്തനങ്ക അഥവാ മുന്നൂറ്റി നങ്ക എന്നാൽ ഭദ്രകാളി തന്നെയാണ്. ശുചീന്ദ്രം സ്ഥാണുമാലയക്ഷേത്രമാണ് ചെന്തി ക്ഷേത്രത്തിന് സമീപത്തെ ഭദ്രകാളി ക്ഷേത്രത്തിൽ നിന്നാണ് മുന്നൂറ്റിനങ്കയെ ഇങ്ങോട്ട് ആനയിക്കുന്നത്. നഗര ഹൃദയത്തിലെ ചെന്തിട്ടദേവീക്ഷേത്രത്തിലാണ് നങ്കയെ നവരാത്രിപൂജയ്ക്കായി കുടിയിരുത്തുന്നത്.