એલોપેસિયાનો ઈલાજ શું છે

જોકે મહિલાઓના વાળ ખરવા સામાન્ય છે, પણ જ્યારે આ સમસ્યા એલોપેસિયાની સ્થિતિમાં આવી જાય તો પછી શું કરવું અને શું નહીં, અચૂક જાણો..

જ્યારે અસામાન્ય રીતે ઝડપથી વાળ ખરવા લાગે છે ત્યારે નવા વાળ એટલી ઝડપથી આવતા નથી કે પછી તે પહેલાંના વાળથી વધારે પાતળા અને કમજોર ઊગે છે અને ગ્રોથ ઓછો થવો શરૂ થાય છે. આ સ્થિતિમાં વાળ પર વધારે ધ્યાન આપવું જોઈએ, કારણ કે સ્થિતિ એલોપેસિયા બાજુ જાય છે. અપોલો હોસ્પિટલના સીનિયર કંસલ્ટન્ટ (પ્લાસ્ટિક કોસ્મેટિક એન્ડ રિકંસ્ટ્રાક્ટિવ સર્જરી) ડોક્ટર કુલદીપ સિંહ પ્રમાણે:

એલોપેસિયાના આ પ્રકાર છે

એંડ્રોજેનિક એલોપેસિયા: આ સ્થાયી પ્રકાર છે અને એક ખાસ પ્રકારના સ્કેલ્પ પર ઊભરે છે. આ પ્રકારના એલોપેસિયા માટે મુખ્યત્વે ટેસ્ટોસ્ટેરોન હોર્મોન્સ સંબંધિત પરિવર્તન અને આનુવંશિકતા જવાબદાર હોય છે. 

આ મહિલાઓથી વધારે પુરુષોમાં હોય છે. આ કાનપટી અને માથાના ઉપરના ભાગથી શરૂ થઈને પાછળ બાજુ વધે છે અને આ યુવાની પછી કોઈ પણ ઉમરે શરૂ થઈ શકે છે.

એલોપેસિયા એરીટા: તેમાં માથાના અલગઅલગ ભાગમાં જ્યાંત્યાંના વાળ ખરી જાય છે, જેથી માથા પર એલોપેસિયાનો પેચ દેખાય છે. આ સ્થિતિ શરીરની રોગપ્રતિરોધક શક્તિ ઓછી હોવાથી આવે છે.

ટ્રેક્શન એલોપેસિયા: આ લાંબા સમય સુધી વાળને એક જ સ્ટાઈલમાં બાંધી રાખવાથી થાય છે, પરંતુ હેરસ્ટાઈલ બદલી દેવાથી વાળ ખરતા અટકી જાય છે.

હોર્મોન્સ પરિવર્તનથી: આ કોઈ ખાસ તબીબી કારણ જેમ કે કેન્સર કીમોથેરપિ, વધારે વિટામિન એના પ્રયોગથી, ઈમોશનલ અથવા ફિઝિકલ સ્ટ્રેસના લીધે અથવા ગંભીર રીતે બીમાર પડવા અથવા તાવ હોવાથી થાય છે.

એલોપેસિયાની શરૂઆત: પુરુષોમાં એલોપેસિયાની શરૂઆત કાનપટીથી થાય છે અને બીજી બાજુ મહિલાઓમાં એલોપેસિયાની શરૂઆત વચ્ચેની પાથીથી થાય છે.

સમય પહેલાં ખરતા વાળ: વાળના સમય પહેલાં ખરવાને એક અન્ય આનુવંશિક સમસ્યાને એંડ્રોજેનિક એલોપેસિયા કહેવામાં આવે છે, જેને સામાન્ય રીતે પેટર્ન બોલ્ડનેસ તરીકે ઓળખવામાં આવે છે. મહિલાઓ અને પુરુષો બંનેમાં વાળ ખરવાનું આ સામાન્ય રૂપ છે, પરંતુ એલોપેસિયાની શરૂઆત થવાનો સમય અને પેટર્ન લિંગ પ્રમાણે અલગઅલગ થાય છે.

પુરુષોના ખરતા વાળ: પુરુષોમાં વાળ ખરવાની સમસ્યા કિશોરાવસ્થાથી શરૂ થાય છે અને આ સમસ્યાને સામાન્ય રીતે મેલપેટર્ન બોલ્ડનેસના નામે ઓળખાય છે. તેમાં હેર લાઈન દૂર જાય છે અને ઉપરનો ભાગ સાફ થઈ જાય છે.